मारिकल्चर, ट्यूना मासेमारीतून अधिकचे उत्पन्न मिळेलमत्स्यव्यवसाय व बंदरे मंत्री नितेश राणे

मुंबई :- सागरी विकास, मत्स्यव्यवसाय आणि आर्थिक संधी वाढवण्यावर ब्ल्यू इकॉनॉमी अत्यंत उपयुक्त आहे. मारिकल्चर, ट्यूना मासेमारीतून अधिकचे उत्पन्न मिळेल असे मत मत्स्यव्यवसाय व बंदरे मंत्री नितेश राणे यांनी व्यक्त केले.मत्स्यव्यवसाय मंत्री नितेश राणे यांच्या अध्यक्षतेखाली झालेल्या या बैठकीत कोकण किनारपट्टीवरील मारिकल्चर (समुद्रातील मत्स्यपालन) आणि डीप-सी ट्यूना मासेमारी या विषयीचे सादरीकरण सुबोध कुमार (सेवानिवृत्त भा. प्र. से.) यांनी केले.
या बैठकीस मुख्य सचिव राजेश अग्रवाल, कृषी विभागाचे अतिरिक्त मुख्य सचिव विकासचंद्र रस्तोगी, नगरविकास विभागाचे अतिरिक्त मुख्य सचिव असीमकुमार गुप्ता, बंदरे विभागाचे अतिरिक्त मुख्य सचिव संजय सेठी, मत्स्यव्यवसाय सचिव डॉ. एन. रामस्वामी, आयुक्त प्रेरणा देशभ्रतार आदी उपस्थित होते.
राज्यात मत्स्यव्यवसाय वाढीसाठी राज्य शासनामार्फत अनेक योजना आणि उपक्रम राबविण्यात आहेत.
मारिकल्चर, ट्यूना मासेमारी प्रोजेक्ट राबविण्यासाठी सर्व्हे करणे आवश्यक असल्याचे मंत्री राणे म्हणाले.