कृषिकन्यांनी रांगोळीतून साकारली खेडलेपरमानंद गावाची प्रतिकृती

सोनई : राहुरीच्या महात्मा फुले कृषी विद्यापीठ संलग्न असलेल्या सोनई येथील मुळा एज्युकेशन संस्थेच्या कृषी महाविद्यालयातील कृषिकन्यांनी ग्रामीण जागरूकता व कार्यानुभव अंतर्गत खेडलेपरमानंद गावाची रांगोळी कलेतून प्रतिकृती साकारत शेतकरी व ग्रामस्थांना साकारलेला नकाशा समजून सांगितला. यावेळी शेतीविषयक प्रात्यक्षिक व मार्गदर्शन करण्यात आले.कृषिकन्या शिवानी चौधरी, सिध्दी माळवदे, साक्षी भोगल, भक्ती मांजरेकर, साक्षी कानगुडे व पल्लवी मंडलिक यांनी उपस्थित शेतकऱ्यांना माती परीक्षण, मातीचे प्रकार, खत नियोजन व पाणी व्यवस्थापन विषयी माहिती दिली. यावेळी गिताराम महाराज तुवर, योगेश वैरागर,विजय जाधव, दादासाहेब रोटे, आशुतोष होन, रमेश राजळे संतोष घोरपडे आदी उपस्थित होते.मंदीर सभामंडपात काढण्यात आलेल्या रांगोळीत गावाचा वार्षिक तक्ता,उत्पादन व मातीचा तक्ता दर्शविला आहे.सामाजिक, रस्ते व रहदारीचा नकाशा दाखवून जलकुंभ व सर्व सहकारी कार्यालयांचा नकाशात समावेश करण्यात आलेला आहे. महाविद्यालयाचे प्राचार्य डाॅ. हरी मोरे, उपप्राचार्य प्रा.सुनिल बोरुडे, समन्वयक अनुप दरंदले, कार्यक्रम अधिकारी डाॅ. दिशा चव्हाण यांचे मार्गदर्शन लाभत आहे.