पोषण पंधरवड्या निमित्त प्रभात फेरी व गरोदर माता ओटी भरण संपन्न

नेवासा : जीवनसत्व युक्त पोषण आहार व त्याचे गरोदर, स्तनदा मातांसाठी असणारे महत्त्व प्रभात फेरीच्या माध्यमातून कारेगाव येथे महिलांमध्ये जागृती करण्यात आली. तसेच गरोदर मातांची ओटी भरण कार्यक्रम उत्साही व आनंदी वातावरणात करण्यात आला .
नेवासा तालुक्यातील कारेगाव येथे अंगणवाडी सेविका रेणुका सचिन चौधरी यांच्या मार्गदर्शनाखाली अंगणवाडी सेविका शैला डॅनियल मिरपगार व मदतनीस रुक्मिणी आडसुळे यांनी प्रभात फेरी काढली. त्यासाठी गंगोत्री गणेश घोडके,मानसी सतीश पारखे,दिशा प्रवीण सातदिवे,निकिता मंगेश अडसुळे,कपाळी गोरख सातदिवे,अनुप्रिया गोरख सातदिवे, कल्याणी देविदास शिरसाठ,रोझ दिलीप खरात, अनुराधा अनिल शिरसाट व बाबासाहेब सातदिवे व अंगणवाडीतील बालके आदींनी सहभाग घेऊन सहकार्य केले .
आठव्या पोषण पंधरवड्या निमित्त कुपोषण के खिलाफ एक जंग,सही पोषण देश रोशन अशा घोषणा देत महिलांमध्ये जागृती करण्यात आली. तसेच कारेगाव येथील गरोदर माता सौ.वैष्णवी हर्षद घोडके व सौ.भक्ती सुमित पारखे यांची ओटी भरण कार्यक्रम उपस्थित माता भगिनींनी आनंदात व उत्साहात केले.
गरोदर मातांनी गरोदर पणात लोहयुक्त व विविध जीवनसत्त्वयुक्त आहार घेतल्यास बालक कुपोषित होत नाही. सुदृढ बालकाचा जन्म होऊन माता पिता समाधानी,आनंदी राहतात, असे रेणुका चौधरी यांनी उपस्थित महिलांना सांगितले.