होम मिनिस्टर कार्यक्रमात पाणी वाचवावर महिलांमध्ये जनजागृती

श्रीरामपूर- विघ्नहर्ता महिला मंडळाच्यावतीने आयोजित होम मिनिस्टर कार्यक्रमात दुष्काळजन्य परिस्थितीवर पाणी वाचवा यावर महिलांमध्ये जनजागृती करण्यात आली.
विघ्नहर्ता महिला मंडळाच्यावतीने कोजागरी पौर्णिमेच्या निमित्ताने आयोजित होम मिनिस्टर कार्यक्रमात मोरगे वस्ती परिसरातील महिलांसाठी आयोजित करण्यात आलेल्या सुप्रसिद्ध निवेदक प्रवीण जमधडे यांचा होम मिनिस्टर कार्यक्रम मोठ्या उत्साहात पार पडला.
विघ्नहर्ता महिला मंडळाच्यावतीने आयोजित होम मिनिस्टर कार्यक्रमात कोजागरी पौर्णिमेच्या निमित्ताने मोरगे वस्ती परिसरातील महिलांसाठी आयोजित करण्यात आले होते यावेळी आमदार हेमंत ओगले, उपनगराध्यक्ष कांचन सानप,माजी सभापती वंदना मुरकुटे, निती ओगले,नगरसेवक योगेश जाधव , नगरसेविका योगिता नागले,आशा परदेशी,वैशाली पोटे,रुपाली भागवत,त्रिवेणी गोसावी ,ज्योती जाधव,निलेश नागले यांच्यासह परिसरातील नागरिक, महिला उपस्थित होते.
यावेळी महिलांच्या विविध स्पर्धा घेण्यात आल्या व यामध्ये विजयी झालेल्या महिलांना मोठ्या बक्षिसांचे वाटप करण्यात आले.तसेच कृष्णा कलेक्शन यांच्यावतीने १० विजेत्या महिलांना साड्यांचे वाटप करण्यात आले. यावेळी आमदार हेमंत ओगले,योगेश जाधव,निती ओगले,योगिता नागले,रुपाली भागवत यांनी दुष्काळजन्य परिस्थितीवर पाणी वापर काटकसरीने करावे याचे आवाहन केले. उपस्थित काही महिलांनी कमीत कमी पाणी वापर कसा करावा याबाबत सूचना केल्या.यावेळी आभार नगरसेविका योगिता नागले यांनी मानले.